أنا مش رأفت!! !!!!

• .. أنا مش رأفت!! 

_____ 

كنت أنتظر الأتوبيس عندما وجدته ينظر الى نظرات مريبة.. يتفرس في ملامحي بتركيز شديد . 

حاولت أن أنشغل عنه بالنظر إلى المارة و السيارات.. أخرج تليفونه المحمول و ظل يتكلم فيه و عينه لم تنزل من على لحظة واحدة .. لا أخفى عليكم انتابني الخوف .. 

قررت أن أركب تاكسي .. مددت ذراعي لأشير للتاكسي القادم .....وفجأة .....شعرت بكماشة تقبض على ذراعى .. وأشخاص تحيط بى من جميع الاتجاهات .. وصوت أجش يقول لى .. 

إحنا حنوصلك يا رأفت !! 

رأفت مين ؟؟ وانتو مين أساسا ؟؟ 

لم أجد رد !! 

سرت معهم بقوة الدفع والجذب الى البوكس الموجود بجوار محطة الاتوبيس 

أنتم واخدنى على فين ؟؟ 

اركب من سكات يا رافت 

مين رأفت ده .. ما تفهمونى حاجة 

ركبت البوكس مكرها .. وجلس حولى هؤلاء الاشخاص .. تفرست فى ملامحهم بدقة .. يا ساتر يا رب .. ايه الأشكال دى ؟؟ دى مش وشوش .. دى أستغفر الله .. ولا بلاش 

انطلق البوكس الى قسم الشرطة .. كان قلبى يدق فى عنف و عقلى يعمل بسرعة .. يا ترى مين رأفت ده ؟؟ 

أخيرا وقفت أمام ظابط الشرطة .. شكله أرحم شوية .. بنى ادم زينا يعنى 

جلس على المكتب .. وضع قدميه فوق المكتب فى مقابل وجهى تماما .. دخن سيجارته فى استمتاع و عجرفة .. ثم نظر الى فى امتعاض 

أخيرا .. يا رأفت.. 

أستغفر الله العظيم .. حتى انت يا سعادة الباشا .. أنا مش رأفت ..أنا ....................انفجرت

 قنبلة على قفايا واسودت الدنيا أمام عينى لحظات ......... كلم الباشا عدل يا ابن ال ............ شعرت بدوار شديد .. و الظابط يكرر فى اصرار 

أخيرا يا رأفت.. 

يا باشا .. والله العظيم تلاته أنا مش رأفت .. طيب شوف البطاقة .. انا اسمى جامعاوى ... و طالب فى الجامعة .. طب شوف كارنيه الكلية 

إحنا فاهمين الحركات دى .. ومعاك بطاقة مزورة كمان .. بتفجر نفسك فى الازهر ليه يا رأفت ؟؟؟ 

يا نهار اسود .. بتقول ايه يا باشا ؟؟ 

كرر وهو يجز على اسنانه و هو ينطق الحروف ... 

بتفجر .. نفسك .. فى .. الازهر .. ليه .. يا .. رأفت .. يا .. بشندى .. ؟؟ 

لم أفهم السؤال .. وشعرت بضباب كثيف يتكون أمام عينى .. وأحسست ان الدنيا بتلف بيه 

يا باشا .. ايه الكلام العجيب ده ؟؟ أنا لو فجرت نفسى قبل كده .. حقف ازاى بين ايد سعادتك دلوقتى ؟؟ 

أحسست أنى أفحمته .. ولكننى فوجئت بالرد 

احنا فاهمين الحركات دى كويس ... احسنلك تعترف بالحقيقة .. انت فجرت نفسك فى الازهر وبعدين فجرت نفسك تانى فى ميدان التحرير 

استمررت انظر الى الظابط فى ذهول .. أكيد الجماعة دول بيهزروا ... هو ده التفسير الوحيد 

ابتسمت عند هذه النقطة من التفكير .. وقلت للظابط وانا مازلت ابتسم .. عندك حق يا باشا .. انا فجرت نفسى مرتين ... بس خد بالك يا باشا أحسن أفجرها تانى قدامك دلوقتى ...... 

انفجرت قنبلة اخرى على قفايا ..اندفعت ثلاثة أمتار للأمام لتصطدم رأسى فى جدار الغرفة ويتفجر منها الدماء 

بص يا رأفت .. شايف الدم اللى على الحيطة ده.. حيدخل طبيب شرعى دلوقتى و يحلل ال DNA بتاعك 

لم تكتمل كلماته حتى دخل الغرفة رجل قصير يرتدى قميص أبيض ويحمل جهاز غريب فى يده 

مد اصبعه على الحائط .. لمس الدم المتجمد على الحائط ..ثم لمس شاشة الجهاز .. وقال بصوت رخيم 

رأفت أحمد بشندى .. يحمل فكر سلفى .. فجر نفسه مرتين .ز مرة فى الأزهر و مرة فى ميدان التحرير 

وهنا قال الظابط فى شماته .. 

مش قلتلك يا رأفت.. انت أقل حكم يتحكم عليك بيه هو الموت حرقا بالرصاص 

ظللت أصرخ .. و أصرخ .. وأصرخ 

أنا برىء ... أنا مش رأفت ... أنا برىء .. 

فجأة .. وجدتنى نائم فى سريرى .. والشمس على و شك الشروق 

وسمعت صوت أمى الحنون وهى تنادى على .... 

انت صحيت يا رأفت ؟؟؟

• من بدرى يا ماما

• ههههههههههههههههههههه

الحمد لله الحمد لله . كان كابوز مفسع 

يااااااااااااااااااااااااا

ااااااااااااة

ولأدى فين ..كلوهم الجرشين !!!!!!!!

ولأدى فين ..كلوهم الجرشين

حسنين ومحمدين زينة الشباب الاثنين

بص وشوفهم يا بوى في البحرغرجا نين 

راحوا يجيبوا جرشين كلوهم الجرشين 

كلتهم سمكات القرش وأهاليهم حزننين 

جال أبوهم طيب كيف دا ولأدى سباحين 

ومالنا ومال البحر وده كان مشتلنا فين 

دا الولد من زمان فى الغربة بيكدو شجيا نين 

ورجعين خيفين لموت جالوا يشوفوك يا حزين 

ييجو هما يموتى جبلى واللة دى تبجى شين 

يعوض على ربى فى ولد جلبى وزرع السنين 

بس ياولدى يا ترى انتم شهدا ولامتوا مجتولين 

ان كنتم يا ولدى شهدا يبجى احنا فرحنين 

وان كنتم مجتولين يا ولدى يبجى تارنا عند مين 

يكنش عند صاحب المركب الواد ابن ابو اسماعين 

ولا عند الجضى الى برء الجاتل وتهم الغرجنين 

هو الجضى دة من فين وابوة الحج نزية دة منين 

دول من بلدنا يا ولدى ولا دول جايينى سايحين 

وان كانوا من بلدنا يبجى حج الجتيل راح فين 

هما ميعرفوش ان من جتل يجتل ولو بعد حين 

طيب والرئيس ورجالتة والحكومة راحوا فين

والبرلمان والشورة مش لسة بردك موجودين

ايوة ساكتين عشان الجاتل منيهم ولد ابو اسماعين

دى مجفلة يا ولدى من كلة طب نروح فين ولمين

يبجى معدش غير جانون السن بالسن والعين بالعين

تاركم يا ولدى مش مال دا دم عند ولد اسماعين

اوعى ياولد تبيعوا الدم رخيص وتردوا بالجرشين

وتردوا كيف ولحم ولدى فى البحرفى بطن جرشين

رأفت خضر

حلمى بسيط اصلى صعيدى عبيط

حلم بسيط

حلمي بسيط اصلى صعيدى عبيط

حلمى أروح لبيتنا اصلى تايهه من زمان

أصل بيتنا كان هناك بيت عالي بجوز بيبان

باب علية هلال ونجمة وباب علية جوز صلبان

انا كنت عارفة والناس كلها عارفاه كمان

كان على بابه حزمة قمح وربطة بصل كمان

كانت امى معلقاهم خير ويبعدوا الشيطان كمان

وكانت خطة فى النص طبلية عليها خبزة لكل غلبان

وكان قدامه شجرة كبييييييرة وسبيل مية للعطشان

وكان جنبه جامع وكنيسة جرسها يرن مع الأذان

منا كنت بتوه واسيب بيتنا كتير وأنا صغير زمان

وكانت الناس ترجعني لحد بيتنا باحترام وآمان

كانوا كلهم يعرفوني وعارفين امى من زماااااان

أصل امى كانت كبيرة وعظيمه وليها مقام وكيان

لكن دلوقت البيت خرب وسكنوا فيه ولآد الجان

وحزمة القمح بتاع امى ضاعت ودخل بيتنا الشيطان

والشجرة نشفت والمية غارت وأتكتم صوت الأذان

والناس بقت تلطشني ولا حد يعرف لبيتنا مكان

ودلوني على حكيم اسأله أصله عايش من زمان

قولت يا حكيم دلني على بيتتى إلى سبته من زمان

كان بيت عيله كبير والناس تعرفه من غابر الأزمان

قال لي يا مسكين معدش بيتك اشتروه ولآد الجان

وطمسوا بيبانة ومسحوا هلالة وكسروا الصلبان

وكسروا الطبلية وجابوا كراسي وسفره بأربعة أركان

وقالوا دا بقى مكان الاغنية ويغور بقى الفقير والغلبان

وقيدوا أمك وحبسوها في سجن مفتاحه مع الشيطان

وراحة سيرتها وهيبتها والمقام ومبقتش في الحسبان

ومعدش حاجة تعملها قل أعوز بالله من الشيطان

وده حلمي ارجع من الغربة لآمي ولبيتي إلى كان

ويرحل عنها كل فاسد وابن جنية وسيدهم الشيطان

ادعولى ربنا يحقق حلمى دى امى طيبة وبيتنا امان

ومعلش استحملوني أصلى صعيدى عبيط و تايه من زمان

م/رأفت خضر

صلاح جا هين

أنا قلبى كوره ...والفراودة أكم
ياما اتنطح وانشاط ..وياما اتعكم
واقول له كله حينتهى فى الميعاد
يقول بساعتك؟ ولا بساعت الحكم؟
عجبى !!!!!!